English | Español
Somali | ကညီကျိာ် | Afaan Oromoo
Hmoob | 普通话
တၢ်ဂ့ၢ်တၢ်ခၢးတဖၣ်လၢ မ့ၣ်အူထံဂာ်သဝံတၢ်သူတၢ်စွဲ ပှၤမၤတၢ်ဖိတဂၤ ကဟဲပၢၢ်ထီၣ်လၢနဟံၣ်မဲာ်ညါ မ့တမ့ၢ် ကဃ့နုာ်လီၤဆူနဟံၣ်ပူၤ:
- လၢပှၤစူးကါတၢ်ဖိ – နၤ, မ့တမ့ၢ် နမ့ၢ်ဒိးလဲအိၣ်ဟံၣ်န့ၣ် နဟံၣ်ကစၢ်, အတၢ်ဃ့ထီၣ်အဃိ
- ဒ်သိးကဆိကတီၢ်ကွံာ် တၢ်တိစၢၤမၤစၢၤ ဖဲတၢ်ဆှၢလီၤ တၢ်ဆိကတီၢ်ကွံာ်တၢ်အလံာ်ဘိးဘၣ်သ့ၣ်ညါ ဝံၤအလီၢ်ခံ
- လၢတၢ်ပူၤဖျဲးဘံၣ်ဘၢဂ့ၢ်ဝီ တၢ်ဘၣ်ယိၣ်ဘၣ်ဘီအဂီၢ်, ဒ်အမ့ၢ် ဂာ်သဝံထူၣ်ဖျိဟးထီၣ်အဃိ ပှၤအိၣ်လၢဟံၣ်ဃၢၤတဂၤ ဆဲးကျိးဘိးဘၣ်သ့ၣ်ညါတၢ် မ့တမ့ၢ် ဒ်သိးကမၤကပီၤထီၣ်က့ၤ မ့ၣ်အူစးထီၣ်ဂာ်သဝံတဖၣ် (pilot lights) ဖဲဂာ်သဝံ ဆိကတီၢ်ကွံာ်သးဝံၤအလီၢ်ခံ
- ဒ်သိးကနုာ်လီၤဖးကွၢ် မံထၢၣ်
- ဒ်သိးကပဲာ်ဟိမၤပျီ သ့ၣ်တဖၣ်, ကဃုထံၣ် လီမ့ၣ်အူပျံၤလၢတၢ်ခူၣ်လီၤပာ်အီၤတဖၣ်, မ့တမ့ၢ် ဒ်သိးကဒုးဟဲက့ၤ လီမ့ၣ်အူ မ့တမ့ၢ် ဂာ်သဝံ တၢ်တိစၢၤမၤစၢၤ ဘၣ်ထွဲလိာ်သးဒီး တၢ်ဆိကတီၢ်ကွံာ်သးတမံၤ
ဂ့ၢ်ဂီၢ်အူတၢ်အိၣ်သးတမံၤ လၢဘူးကဒုးကဲထီၣ် တၢ်လီၤဘၣ်ယိၣ် လၢသးသမူအဂီၢ် မ့တမ့ၢ် တၢ်စုလီၢ်ခီၣ်ခိၣ်အဂီၢ် မ့ၢ်ဟဲအိၣ်ထီၣ်သးန့ၣ်, မ့ၣ်အူထံဂာ်သဝံတၢ်သူတၢ်စွဲပှၤမၤတၢ်ဖိတဖၣ် တၢ်ပျဲဟ့ၣ်ခွဲးအီၤလၢ ကနုာ်လီၤဆူ တၢ်သူၣ်ထီၣ်တခါအပူၤ န့ၣ်လီၤ.
သနာ်က့, မ့ၣ်အူထံဂာ်သဝံတၢ်သူတၢ်စွဲဂ့ၢ်ဝီခီပနံာ်တဖၣ် ပာ်ဖျါထီၣ်ဝဲဒၣ်လၢ ပှၤလၢအပာ်မၤအသးဒ် မ့ၣ်အူထံဂာ်သဝံပှၤမၤတၢ်ဖိတဖၣ် အိၣ်ဝဲန့ၣ်လီၤ. အဝဲသ့ၣ်စံးလၢ ကသမံသမိးကွၢ် တၢ်ထူၣ်ဖျိဟးထီၣ်သးတဖၣ် မ့တမ့ၢ် ဃ့ကျိၣ်စ့ ဒ်သိးပှၤသုတကွၢ်ဆၢၣ်မဲာ်ဘၣ် တၢ်ဆိကတီၢ်ကွံာ်တၢ်အဂီၢ် န့ၣ်လီၤ.
ကျိၤကျဲလၢကသမံသမိးမၤလီၤတံၢ် မ့ၣ်အူထံဂာ်သဝံတၢ်သူတၢ်စွဲ ပှၤမၤတၢ်ဖိတဂၤ ဟဲတုၤဖဲယပဲတြီအမဲာ်ညါ-
ဃ့ကွၢ် ပှၤမၤတၢ်ဖိခး (identification) - တချုးပျဲနုာ်လီၤ ပှၤမၤတၢ်ဖိတဂၤ ဆူနဟံၣ်ပူၤအခါ ဃ့ကွၢ် ပှၤမၤတၢ်ဖိခးတက့ၢ်. ပှၤမၤတၢ်ဖိတဖၣ်, ဒီးပှၤမၤလံာ်စၢဃာ် အါတက့ၢ်, လၢတၢ်ပျဲဟ့ၣ်ခွဲးအီၤလၢ ကနုာ်လီၤဆူ ပှၤစူးကါတၢ်ဖိ အတၢ်စုလီၢ်ခီၣ်ခိၣ်အပူၤတဖၣ်န့ၣ် စိာ်ဝဲ အခီပနံာ် ပှၤမၤတၢ်ဖိခးတဖၣ်လီၤ. ညီနုၢ်န့ၣ်အဝဲသ့ၣ်ကသိးဃာ်ဝဲ ဆ့ကူဆ့ကၤဒ်သိးသိးတဖၣ် ဒီးကနီၣ်ဝဲ သိလ့ၣ်တဖၣ်လၢအအိၣ်ဒီး မ့ၣ်အူထံဂာ်သဝံတၢ်သူတၢ်စွဲ ပနံာ်မံၤပနီၣ်န့ၣ်လီၤ.
နမ့ၢ်ဘၣ်ယိၣ်တၢ်န့ၣ်, လၢကပာ်ဂၢၢ်ပာ်ကျၢၤ ပှၤတဂၤအံၤ အတၢ်မ့ၢ်တၢ်နီၢ်နီၢ်အဂီၢ်, ဆဲးကျိးဘၣ် မ့ၣ်အူထံဂာ်သဝံတၢ်သူတၢ်စွဲဂ့ၢ်ဝီခီပနံာ်အံၤ တက့ၢ်. လၢလာ်န့ၣ်မ့ၢ်ဝဲ မံၣ်နံၣ်စိထၣ် မ့ၣ်အူထံဂာ်သဝံတၢ်သူတၢ်စွဲဂ့ၢ်ဝီခီပနံာ်လၢအဒိၣ်တဖၣ် အလီတဲစိနီၣ်ဂံၢ်လီၤ. နမ့ၢ်တသ့ၣ်ညါလီၤတံၢ် ခီပနံာ်လၢဟ့ၣ်လီၤ မ့ၣ်အူထံဂာ်သဝံတၢ်သူတၢ်စွဲ တၢ်တိစၢၤမၤစၢၤတဖၣ် ဖဲနအိၣ်ဆိးလီၢ်ကျဲအံၤဘၣ်ဒီး, ဆဲးကျိးဘၣ် နလီၢ်ကဝီၤပဒိၣ်တၢ်ပၢတၢ်ပြးအဝဲၤဒၢး တက့ၢ်.
Utility and Contact Information | Utility Logo |
|---|---|
| 
|
| 
|
| 
|
| 
|
| 
|
| 
|