English | Español
Somali | ကညီကျိာ် | Afaan Oromoo
Hmoob | 普通话
Cov laj thawj uas tus neeg ua hauj lwm hauv tuam txhab hluav taws xob tuaj txog koj lub tsev los sis thov nkag hauv koj lub tsev los sis chaw ua lag luam:
- Raws li thov ntawm tub lag luam – koj, los sis koj tus tswv tsev yog koj xauj
- Txhawm rau txiav kev muab kev pab cuam tom qab ceeb toom kev txiav tawm
- Rau kev txhawj xeeb txog kev nyab xeeb, xws li kev muaj paj roj nkev tshwm los uas cov neeg hauv zej zog hu qhia los sis rov ua muaj plaim taws cig ntawm cov khoom siv hluav taws xob me tom qab kev pab cuam roj nkes raug cuam tshuam loj
- Txhawm rau nkag siv mes tawj
- Yog xav txiav cov ntoo, nrhiav cov xov hluav taws xob uas faus cia, los sis rov kho hluav taws xob los sis roj nkev uas puas lawm
Cov tuam txhab hluav taws xob tau kev tso cai nkag mus rau hauv qhov chaw yog muaj xwm txheej ceev cuam tshuam rau kev phom sij ze qhov yuav tshwm sim rau txoj sia los sis tej khoom vaj tsev.
Txawm li cas los xij, cov tuam txhab hluav taws xob tau tshaj tawm tias muaj neeg dag ua cov neeg ua hauj lwm hauv tuam txhab hluav taws xob tuaj tshawb xyuas qhov pa tshwm los sis thov nyiaj txhawm rau zam kev txiav hluav taws xob.
Txoj hauv kev txheeb xyuas tus neeg ua hauj lwm hauv tuam txhab hluav taws xob thaum tuaj txog ntawm qhov rooj:
Thov kev txheeb xyuas: Thov kev txheeb xyuas ua ntej cia tus neeg ua hauj lwm nkag mus hauv koj lub tsev. Cov neeg ua hauj lwm, thiab cov neeg ua hauj lwm muaj ntaub ntawv cog lus feem ntau, tau kev tso cai nkag mus rau hauv tus tub lag luam lub vaj tsev, nqa cov npav txheeb xyuas los ntawm lawv cov tuam txhab hluav taws xob. Feem ntau lawm lawv hnav cov tsoos khaub ncaws ua hauj lwm thiab tsav cov tsheb muaj lub cim tuam txhab hluav taws xob.
Hu rau lub tuam txhab hluav taws xob txhawm rau txheeb xyuas tus neeg li tus kheej yog koj muaj cov kev txhawj xeeb. Nov yog cov nab npawb xov tooj rau cov tuam txhab hluav taws xob loj hauv Minnesota. Yog koj tsis paub tseeb tias leej twg muab kev pab cuam ntawm koj qhov chaw nyob, txuas lus rau koj lub chaw ua hauj lwm nom tswv hauv zos.
Utility and Contact Information | Utility Logo |
|---|---|
| 
|
| 
|
| 
|
| 
|
| 
|
| 
|