Kev Thov Kev Pab & Cov Nqe Lus Uas Nquag Nug
Yog xav thov kev pab txhawb nqa, ces hu rau CUB ntawm 651-300-4701, thiab nias tus lej 9 txhawm hu rau CUB Pab Pawg Muab Kev Pab.Cov neeg ua hauj lwm CUB yuav sib tham txog ntau txoj kev xaiv ntawm lub khoos kas pab cuam thiab cov kev tiv thaiv uas muaj.
Yog tias koj xav tau kev pab cuam txhais lus, thov qhia koj cov kev xav tau fab hom lus thaum pib kev hu xov tooj.
Yog koj hu rau peb es lub laj txheej teb rov qab yam tsis siv neeg, ces thov kaw lus tso tseg.
Tus neeg twg los xij uas hais tias lawv xav tau kev pab txhawb nqa rau cov ntawv sau nqi kev siv thiab tsis tuaj yeem ua tau raws li lawv cov kev xav tau los ntawm Kev Pab Txog Fab Hluav Taws Xob thiab cov khoos kas pab cuam them taus cov nqi hluav taws xob yuav muaj cai tsim nyog tau txais kev pab los ntawm pob peev nyiaj no.
Txij li Lub Plaub Hlis Ntuj Tim 10, txhua tus neeg tso npe thov yuav tau txais cov nyiaj khoom plig $500, uas tau them ncaj qha rau lawv cov neeg muab kev pab cuam hluav taws xob.Yog koj tsuas xav tau kev pab txhawb rau ib qho kev pab cuam hluav taws xob nkaus xwb, yuav muaj $500 xa mus rau tus neeg muab kev pab cuam ntawv.Yog koj xav tau kev pab txhawb rau ob qho kev pab cuam hluav taws xob, yuav muaj $250 xa mus rau txhua tus neeg muab kev pab cuam ntawv.
Npaj kom txhij los muab:
- Koj tus(cov) naj npawb as khauj kev siv
- Lub npe uas pom tshwm nyob rau hauv koj tus as khauj siv
- Koj tus lej xov tooj kpm peb thiaj li tiv tauj tau koj yog tias muaj teeb meem dab tsi nrog Koj qhov kev ua ntawv thov.
Nyob ntawm seb koj tus neeg muab kev pab cuam hluav taws xob li cas, peb kuj yuav tsum tau los txheeb sau lwm cov ntaub ntawv kom peb thiaj li them tau rau koj tus as khauj, suav nrog koj qhov chaw nyob, koj tus lej tsev, koj tus zauv xa ntawv, koj cheeb tsam nroog, los sis lwm cov ntaub ntawv.
Peb saib kev ruaj ntseg ntawm feem ntaub ntawv tseem ceeb heev, thiab peb xav kom ntseeg tau tias kev ceev ntiag tug thiab kev yoj yim ntawm tus neeg hu tuaj rau CUB txhua tus.
- Peb yuav nug qee cov lus nug txog koj qhov txheej xwm ntawm daim ntawv sau nqi hluav taws xob.
- Peb yuav nug seb koj puas txaus siab rau Lub Khoos Kas Pab Cuam Lub Zog uas tau txais pob peev nyiaj pab los ntawm tsoom fwv nruab nrab.
- Yog tias tsis yog, los sis yog tias cov nyiaj pab ntawv tsis txaus raws li koj cov kev xav tau, peb yuav suav sau koj cov ntaub ntawv txhawm rau los thov rau Lights On, Homes Warm pob peev nyiaj pab.
- Tom qab koj sau daim ntawv tso npe thov tiav lawm, peb mam li tham txog yam uas yuav tsum tau ua yog tias koj twb tsis tau them koj cov ntawv sau nqi los sis yog tias koj muaj daim ntawv ceeb toom txiav kev siv hluav taws xob.
Cov kev them nyiaj yuav ncaj qha rau koj tus neeg muab kev pab cuam kev siv.CUB lub hom phiaj yog kom muaj nyiaj xa mus rau koj tus as khauj kom sai li sai tau, tab sis peb yuav tsum ua hauj lwm nrog koj tus neeg muab kev pab cuam kev siv txhawm rau los ua qhov kev them nyiaj.
Kuj yuav siv sij hawm txog peb lub lim tiam rau qhov kev them nyiaj txhawm rau xa mus rau koj tus as khauj siv.Nyob rau tib lub sij hawm, peb txhawb siab yam muaj zog heev kom koj teeb tsim ib txoj kev npaj them nqi nrog koj qhov kev siv rau txhua daim ntawv suav sau nqi uas tsis tau them kom tsis txhob muaj kev txiav hluav taws xob thiab cov nqi sau uas them qeeb.Peb tuaj yeem nrog koj tham txog txoj hau kev teeb tsim ib txoj kev npaj them nqi, suav nrog txoj hau kev ua kom paub tseeb tias cov kev them nyiaj uas yuav tsum tau them yuav pheej yig rau koj.
Thov qhia rau cov neeg ua hauj lwm CUB tias koj muaj daim ntawv ceeb toom txog txiav hluav taws xob lawm.Peb yuav ceeb toom rau cov neeg ua hauj lwm txog kev siv hluav taws xob thiab ua hauj lwm hnyav tshaj plaws kom ncua txhua qhov kev txiav hluav taws xob uas tseem tab tom yuav tshwm sim.
Yog koj muaj daim ntawv ceeb toom txog kev txiav hluav taws xob, ces koj muaj cai.Koj tsis tas yuav los pom zoo rau ib txoj kev npaj uas tsis ua hauj lwm rau koj cov peev nyiaj.
Peb txhawb siab yam muaj zog heev kom koj tiv tauj koj lub tuam txhab hluav taws xob thiab sim teeb tsim ib txoj kev npaj them nqi rau koj cov nyiaj tshuav uas koj tseem tshuav tsis tau them yav dhau los.Txawm li cas los xij, tsis txhob lees txais ib txoj kev npaj them nqi uas tsis ua hauj lwm rau koj cov peev nyiaj.Yog tias koj lub tuam txhab hluav taws xob thov kom them nyiaj ntau dhau, koj tsis tas yuav lees txais qhov kev npaj no.Txhua tus neeg hauv lub Xeev Minnesota muaj cai tau txais ib txoj kev npaj them nqi uas ua hauj lwm rau lawv pob nyiaj npaj siv rau yus lub cuab lub yig.
Yog tias koj tsis tuaj yeem pom zoo rau ib daim ntawv cog lus uas ua hauj lwm rau koj, ces tiv tauj rau Cov Chaw Ua Hauj Lwm Saib Xyuas Cov Qhua ntawm Minnesota Pab Pawg Kws Saib Xyuas Cov Kev Siv Hluav Taws Xob Dej Cua Rau Zej Tsoom Sawv Daws.Qhia rau lawv tias koj tseem them koj cov ntawv suav sau nqi tsis tau raws sij hawm.Qhia rau lawv tias koj tau hu rau koj lub chaw muab kev pab cuam kev siv hluav taws xob lawm thiab koj tsis tuaj yeem pom zoo rau txoj kev npaj them nqi uas ua hauj lwm rau koj cov peev nyiaj.Lawv yuav cuam tshuam thiab nrhiav tau ib txoj kev npaj them nqi uas ua hauj lwm rau koj.